🙏

परशुरामस्तोत्रम्

Parashurama Stotram

स्तोत्र · 🏹 श्री राम · Sanskrit · ⏱ 1 min

अन्य नाम · Also known as परशुरामस्तोत्रम्

Sanskrit text from Sanskrit Wikisource.

॥श्री परशुरामस्तोत्रम्॥

कराभ्यां परशुं चापं दधानं रेणुकात्मजं।
जामदग्न्यं भजे रामं भार्गवं क्षत्रियान्तकं॥१॥

नमामि भार्गवं रामं रेणुका चित्तनन्दनं।
मोचितंबार्तिमुत्पातनाशनं क्षत्रनाशनम्॥२॥

भयार्तस्वजनत्राणतत्परं धर्मतत्परम्।
गतगर्वप्रियं शूरं जमदग्निसुतं मतम्॥३॥

वशीकृतमहादेवं दृप्त भूप कुलान्तकम्।
तेजस्विनं कार्तवीर्यनाशनं भवनाशनम्॥४॥

परशुं दक्षिणे हस्ते वामे च दधतं धनुः ।
रम्यं भृगुकुलोत्तंसं घनश्यामं मनोहरम्॥५॥

शुद्धं बुद्धं महाप्रज्ञापण्डितं रणपण्डितं।
रामं श्रीदत्तकरुणाभाजनं विप्ररंजनम्॥६॥

मार्गणाशोषिताभ्ध्यंशं पावनं चिरजीवनम्।
य एतानि जपेन्द्रामनामानि स कृति भवेत्॥७॥

इति श्री प. प. श्री वासुदेवानंदसरस्वतीविरचितं श्री परशुराम स्तोत्रं संपूर्णम्॥

स्रोत · Source

Sanskrit Wikisource, page "परशुरामस्तोत्रम्", revision 84593.
Sanskrit Wikisource · Creative Commons BY-SA
Text from Sanskrit Wikisource (sa.wikisource.org), used under CC BY-SA 4.0. Page history and contributors are linked from the source URL recorded with each text.

#wikisource