चोवीस जिनस्तोत्र

चोवीस जिनसोत्र अज्ञात

चोवीश जिन स्तोत्र

(अनुष्टुब वृतम्)

आदौ नेमिं जिनं नौमि, संभवं सुविधिं तथा ।
धर्मनाथं महदेवं, शान्तिं शान्तिकरं सदा ॥ १ ॥
अनंत सुव्रतं भक्त्या, नमिनाथं जिनोत्तमम् ।
अजितं जितकन्दर्पं, चन्द्रं चन्द्र समप्रभम् ⁠॥ २ ॥
आदिनाथं तथा देवं, सुपार्श्व विमलं जिनम् ।
मल्लिनाथं गुणोपेतं, धनुषां पंचविंशतिम् ॥ ३ ॥
अरनाथं महावीरं, सुमतिं च जगद्गुरुम् ।
श्री पद्मप्रभनामानं, वासुपूज्यं सुरैर्नतम् ॥ ४ ॥
शीतलं शीतल लोके, श्रेयांसं श्रेयसे सदा ।
कुन्थुनाथं च वामेयं, विश्वाभिनंदनं विभुम् ॥ ५ ॥

जिनानां नामभिर्बद्ध; पंचषष्टिसमुद्भव: ।
यंत्रोयं राजते यत्र, तत्र सौख्यं निरन्तरम् ⁠॥ ६ ॥
यस्मिन् गृहे महाभक्त्या, यन्त्रोयं पूज्यते बुधैः ।
भूतप्रेतपिशाचादेर्भयं तत्र न विद्यते ॥ ७ ॥

(मालिनी वृतम्)

सकल गुणनिधानं यन्त्रमेनं विशुद्धं ।
ह्रदय कमलकोषे धीमतां ध्येयरूपम् ॥
जयतिलकगुरो: श्री सूरिराजस्य शिष्यो ।
वदति सुखनिधानं मोक्षलक्ष्मीनिवासम् ॥ ८ ॥