🌺

लिङ्गाष्टकम्

Linga Ashtakam

अष्टकम् · 🔱 भगवान शिव · Sanskrit · ⏱ 1 min

अन्य नाम · Also known as लिङ्गाष्टकम्

Sanskrit text from Sanskrit Wikisource.

ब्रह्ममुरारी सुरार्चित लिङ्गं ।
निर्मल भासित शोभित लिङ्गं ॥
जन्मज दुःख विनाशक लिङ्गं ।
तत् प्रणमामि सदाशिव लिङ्गं ॥ १ ॥

देवमुनि प्रवारार्चित लिङ्गं ।
कामदहन करुणाकर लिङ्गं ॥
रावण दर्प विनाशक लिङ्गं ।
तत् प्रणमामि सदाशिव लिङ्गं ॥ २ ॥

सर्व सुगन्ध सुलेपित लिङ्गं ।
बुद्धी विवर्धन कारण लिङ्गं ॥
सिद्ध सुरासुर वंदित लिङ्गं ।
तत् प्रणमामि सदाशिव लिङ्गं ॥ ३ ॥

कनक महामणि भूषित लिङ्गं ।
फणिपति वेष्टित शोभित लिङ्गं ॥
दक्ष सुयज्ञ विनाशन लिङ्गं ।
तत् प्रणमामि सदाशिव लिङ्गं ॥ ४ ॥

कुमकुम चंदन लेपित लिङ्गं ।
पंकज हार सुशोभित लिङ्गं ॥
संचित पाप विनाशक लिङ्गं ।
तत् प्रणमामि सदाशिव लिङ्गं ॥ ५ ॥

देवागणार्चित सेवित लिङ्गं ।
भावै-र्भक्तिभिरेव च लिङ्गं ॥
दिनकर कोटी प्रभाकर लिङ्गं ।
तत् प्रणमामि सदाशिव लिङ्गं ॥ ६ ॥

अष्टोदलोपरीवेष्टित लिङ्गं ।
सर्वसमुद्भव कारण लिङ्गं ॥
अष्टदरिद्र विनाशन लिङ्गं ।
तत् प्रणमामि सदाशिव लिङ्गं ॥ ७ ॥

सुरगुरु सुरवर पूजित लिङ्गं ।
सुरवन पुष्प सदार्चित लिङ्गं ॥
परात्पर परामात्मक लिङ्गं ।
तत् प्रणमामि सदाशिव लिङ्गं ॥ ८ ॥

लिङ्गाष्टकमिदं पुण्यं यः पठेश्शिव संनिधौ ।
शिवलोकमवाप्नोती शिवेन सह मोदिते ॥

स्रोत · Source

Sanskrit Wikisource, page "लिङ्गाष्टकम्", revision 229442.
Sanskrit Wikisource · Creative Commons BY-SA
Text from Sanskrit Wikisource (sa.wikisource.org), used under CC BY-SA 4.0. Page history and contributors are linked from the source URL recorded with each text.

#wikisource