आरती श्री रामचन्द्र जी की

श्री रामचन्द्र कृपाल भजु मन, हरण भव भय दारूणम्।
नवकंज लोचन, कंज-मुख कर कंज पद-कंजारूणम्॥१॥

कन्दर्प अगणित अमित छवि, नवनील-नीरद-सुन्दरम्।
पटपीत मानहु तड़ित रूचि सुचि नौमि जनक सुता-वरम्॥२॥

भजु दीनबन्धु दिनेश दानव-दैत्यवंश-निकन्दम्।
रघुनंद आनन्दकंद कौशलचन्द दशरथ-नन्दनम्॥३॥

सिर मुकुट कुण्डल तिलक चारू उदार अंग विभूषणम्।
आजानुभुज शर-चाप-धर संग्राम-जित-खर-दूषणम्॥४॥

इति वदति तुलसीदास शंकर-शेष मुनि मन रंजनम्।
मम हृदय कंज निवास कुरू कामादि-खल-दल-गंजनम्॥५॥

मनु जाहिं राचेउ मिलिहि सो बरू सहज सुन्दर सवारो।
करूणा निधान सुजान शील सनेहु, जानत रावरो॥६॥

एहि भाँति गौरि असीस सुनि सिय सहित हिएँ हरषीय अली।
तुलसी भवानिहि पूजि पुनि-२ मुदित मन मन्दिर चली।

सोरठाः

जानि गौरि अनुकूलसिय हिय हरषु न जाइ कहि।
मंजुल मंगल मूल बाम अंग फरकन लगे॥